《幕后玩家》黄宗泽越演越贱,观众越看越火滚!被网民封为「世纪贱男」(♯▼皿▼)

0
4985

前日无线台庆剧《幕后玩家》,凭 龚嘉欣 一幕哭成泪人戏份成为城中热话,而昨日播出的第23集中,剧情继续令观众睇到咬牙切齿!小三刘佩玥(Moon)竟然踩上灵堂,激到饰演黄宗泽(Bosco) 家姐的庄思敏忍唔住掴咗渠一巴;而一直想同阿Moon斩缆的Bosco最后竟然决定抛妻弃女,被网民封为「世纪贱男」!咁究竟最后小三会唔会登堂入室呢?

 

灵堂踩场

剧中Bosco妈妈因车祸身亡,设灵期间,小三阿Moon竟然自己头戴白花,以家属身份行入灵堂,令饰演Bosco家姐的庄思敏大为愤怒。两人纠缠期间,阿Moon一句「我唔会走」,令庄思敏激动得大大力掴咗渠一巴!剧情真系一日比一日紧凑,令观众睇到非常肉紧!

继续搵小三

Bosco表面上一直都谂住以家庭为先,打算撇甩刘佩玥,同老婆好好生活下去。但渠背后竟然继续搵小三,仲对阿Moon讲︰「屋企对我嚟讲系好重要,但原来我最唔舍得嗰个系你」真系岂有此理!

  

恶梦的开始

其后一家三口去加拿大途中,龚嘉欣终于心软下来,打算俾机会两人去到加拿大重新开始。 Bosco听后不发一言,只系亲吻着太太… 应该系最后一次?

亲吻过后,Bosco竟然语出惊人话︰「我会继续照顾Emma (刘佩玥饰) 同渠BB,我唔会同渠分开… 我真系唔忍心叫Emma落咗渠,个BB真系无辜。Sorry,我希望你可以理解。」理解?点理解呀大佬?

你算什么男人?

呢一趟加拿大之旅,根本唔系什么家庭旅行,而系Bosco借机送走龚嘉欣母女,自己就可以与小三在香港相宿相栖。 Bosco竟然仲可以大条道理咁话︰「其实我真系好想你留喺我身边… 如果你接受Emma」之后仲话已经为女儿心心在加拿大搵好学校,龚嘉欣根本冇得拣!小编睇到呢幕真系要借周董一句歌词︰你算什么男人?算什么男人? 」

除了哭,还是哭

又嬲又伤心的的龚嘉欣随即想一巴打落Bosco度,不过又唔想惊动心心,但想到以后要与心心两人相依为命,唯一可以做的,就系揽住个女爆喊!戏集播出后,Bosco被观众插到飞起,闹爆渠系「人渣」、「贱男」!

事后Bosco于Instagram大赞剧中老婆龚嘉欣演技出色,更指台庆攞奖后要请食饭!

000003

 

资料来源:orientalsunday

本文视频图片均摘自网络。如有冒犯,请联络本站作删除处理

LEAVE A REPLY

Please enter your comment!
Please enter your name here